Кыстык от сыллааҕы былаанын 93 %-на бэлэмнэннэ

НВК САХА — Өрөспүүбүлүкэҕэ кыстык оту уонна сүөһү эбии аһылыгын бэлэмнээһин көрдөрүүтэ быйылгы былаан 93 %-гар тэҥнэстэ. Бу туһунан тыа хаһаайыстыбатын министиэристибэтин пресс-сулууспата иһитиннэрэр.

«Балаҕан ыйын 16 күнүнээҕи көрдөрүүнэн быйылгы дьылга уопсайа 414,8 тыһыынча га ходуһа оттонно уонна 47 тыһыынча туонна от бэлэмнэннэ. Бу сыллааҕы былаан 93 %-гар тэҥнэһэр уонна былырыыҥҥы көрдөрүүттэн 13 %-нан үрдүк», — диэн тириэрдэллэр.

Өрөспүүбүлүкэҕэ сиэмэ бурдук уонна оҕуруот аһын күһүҥҥү хомуура салҕанар. Ол курдук, билиҥҥи туругунан хортуоска уопсай былаантан 62 % хостонно, оҕуруот аһын атын көрүҥэ былаантан 26 %, онтон бурдук сиэмэтин хомуура былаан 63 %-гар тэҥнэстэ.