Кытай хайыһардьыттара Алдаҥҥа дьарыктаналлар

Кытайтан 15 хайыһардьыт Алдан оройуонугар баар хайыһар базатыгар сэтинньи 8 күнүгэр диэри дьарыктаныахтара. Бу туһунан «Спорт Якутии» иһитиннэрдэ.

«Аныгыскы кыһыҥҥы Олимпийскай оонньуулар хаһаайыттара кэлэр сылларга спорт кыһыҥҥы көрүҥнэрин дьаныардаахтык сайыннарар былааннаахтар», – диэн этиллэр.

Кытай хайыһардьыттара манна үһүс төгүлүн дьарыктана сылдьаллар.

Аныгыскы кыһыҥҥы Олимпийскай оонньуулар 2022 сыл олунньу 4-22 күннэригэр Пекин куоракка ыытыллыахтара.