Кытай үөрэҕин министиэристибэтэ музыка үрдүкү оскуолатын кытта үлэлэһиэҕэ

Өрөспүүбүлүкэтээҕи музыка үрдүкү оскуолата Кытай үөрэҕин министиэристибэтэ билиммит Россиятааҕы үрдүк үөрэх кыһаларын ахсааныгар киирдэ. Бу туһунан оскуола пресс-сулууспата иһитиннэрэр.

Россияттан 200-чэкэ үнүбэрсиэт испииһэккэ киирдэ. Испииһэккэ киирбит үөрэх кыһалара Кытай үрдүк үөрэх тэрилтэлэрин кытта партнер быһыытынан мэктиэлэнэллэр уонна Кытай абитуриеннарыгар туттарсар кыах бэриллэр.

«Өрөспүүбүлүкэтээҕи Музыка үрдүкү оскуолатын былааныгар бэлэмнэнии бырагырааматын бары хайысхаларынан абитуриеннары интэриэһиргэтэр, ону таһынан академическай атастаһыы уобалаһыгар кыттыгас бырайыактары олоххо киллэрэр сыаллаах Кытай үөрэҕин тэрилтэлэрин кытта ыкса ситимнээхтик үлэлэһэбит», — диэн иһитиннэриигэ этиллэр.

Ону тэҥэ кыттыгас үөрэтэр бырагыраамалары суруйуу, научнай, творческай хайысхалаах үлэлэри тэрийии, квалификацияны үрдэтии уонна учуонай степени ылыы былааннанар.

Саха сиринээҕи Музыка үрдүкү оскуолатын 2025 сылга диэри сайдыытын хаамыытын чэрчитинэн, норуоттар уонна регионнар икки ардыларынааҕы сыһыаҥҥа тахсыахтаах.