Өлүөхүмэҕэ Култуура дьиэтэ уонна Искусство оскуолата өрөмүөннэниэҕэ

РФ бэрэсэдьиэнэ Владимир Путин көҕүлээбит «Култуура» национальнай бырайыак чэрчитинэн, Өлүөхүмэ улууһугар икки култуура тэрилтэтэ өрөмүөннэниэҕэ. Бу туһунан СӨ бырабыыталыстыбатын уонна баһылыгын дьаһалтатын пресс-сулууспата иһитиннэрэр.

Бу иннинэ национальнай бырайыагынан Оҕо модельнай библиотеката саҥардыллыбыта уонна өрөмүөннэммитэ. Программаланар роботтаах, графическай планшеттаах, виртуальнай ачыкылаах SMART-лаборатория, маны таһынан кумаҕынан уруһуйдуурга аналлаах уоттаах остуоллаах сенсорнай хос аһыллыбыта.

Ааҕар саалаҕа интерактивнай дуоска, компьютернай остуоллаах кинигэ пуолкалара, дьон туһанарыгар ПК установкаланан турдулар.

««Култуура» национальнай бырайыак чэрчитинэн, Заречнай бөһүөлэккэ култуура дьиэтэ уонна Өлүөхүмэтээҕи искусство оскуолата өрөмүөннэнэрэ былааннанар», — диэн иһитиннэриигэ этиллэр.