Өлүөхүмэ улууһун үс оскуолатыгар саҥа автобустары биэрдилэр

Өлүөхүмэ улууһун оскуолаларыгар «Үөрэҕирии» национальнай бырайыак чэрчитинэн алта саҥа автобустары биэрдилэр. Бу туһунан СӨ баһылыгын уонна бырабыыталыстыбатын пресс-сулууспата иһитиннэрэр.

«Улуус үс оскуолата бэдэрээлинэй бүддьүөт үбүлээһининэн алта саҥа автобуһу ылла», — диэн иһитиннэриигэ этиллибит.

Саҥа тырааныспардар оһолтон харыстыыр аныгы ситиэмэлэринэн толору хааччыллыылаахтар.

2018 сылга Россия бэрэсидьиэнэ Владимир Путин «Үөрэҕирии» национальнай бырайыагы бигэргэппитэ. Бу бырайыак 2024 сылга диэри олоххо киириэхтээҕэ бэлиэтэнэр.