Өлүөхүмэ улууһун сэрии бэтэрээнигэр хормуоска бэлэхтээтилэр

Өлүөхүмэ улууһун баһылыга Николай Харбин Аҕа дойду Улуу сэриитин бэтэрээнигэр Иван Рукосуевка тульскай хормуосканы бэлэхтээтэ. Бу туһунан улуус дьаһалтатын пресс-сулууспата иһитиннэрэр.

«Бэҕэһээ тэлэбииһэргэ 117 саастаах ытык кырдьаҕаһы көрбүтүм уонна мин эмиэ кини курдук олоруох тустаахпын диэбитим. Кыайыы бырааһынньыгар диэри эрчиллиэм уонна бырааһынньыкка хормуоскаҕа оонньуоҕум», — диэн 93 саастаах сэрии бэтэрээнэ Иван Рукосуев эттэ.

Бэлэҕи улуус баһылыга уонна олохтоох «Биир ньыгыл Россия» баартыйа салаатын чилиэннэрэ туттардылар.