Өлөөн улууһугар 2019 сылга дьиэ табатын ахсаана 300 төбөнөн элбээтэ

2019 сылга Өлөөн улууһугар дьиэ табатын ахсаанын элбэтии былаана 103 % туолла уонна 271 төбөнөн элбээтэ. Бу туһунан СӨ баһылыгын уонна бырабыыталыстыбатын пресс-сулууспата иһитиннэрэр.

Олунньу 4 күнүгэр улууска вице-премьер Алексей Колодезников салалталаах ситэриилээх былаас уочараттаах отчуота саҕаланна.

«Өлөөн улууһугар дьиэ табатын ахсаана элбээһинэ бэлиэтэнэр. Бүгүҥҥү күн туругунан таба уопсай ахсаанна 5287 төбөҕө тэҥнэһэр, тыһы таба уонна тугут ахсаана 2434 төбөҕө. 2018 сылга 5016 төбөҕө тэҥнэһэр этэ», — диэн вице-премьер бэлиэтээтэ.

Өлөөн улууһун ыстаадаларыгар билигин 64 киһи үлэлиир. 2019 сылга кинилэр туһаныыларыгар 14 саҥа «Сокол» снегоболотоход ылыллыбыта уонна табаһыттар хамнастара 40 тыһыынча солкуобайга диэри үрдээбитэ бэлиэтэнэр.