Өлүөнэ өрүскэ харыы үөскүөн сөп учаастактарынан авиаразведка ыытылынна

Өрөспүүбүлүкэ түөрт улууһугар сааскы халааҥҥа бэлэмнэнии үлэлэрин чэрчитинэн, Өлүөнэ өрүскэ харыы үөскүүр кутталлаах учаастактары салгынтан кэтээн көрүү ыытылынна. Бу туһунан Саха сиринээҕи быыһыыр сулууспа пресс-сулууспата иһитиннэрэр.

Ол курдук, быыһыыр сулууспа уонна Россия наукаларын академиятын Сибиирдээҕи салаатын хайа дьыалаларын институтун исписэлиистэрэ Хаҥаласка, Мэҥэ Хаҥаласка, Уус Алдаҥҥа, Намҥа, Дьокуускайга уонна Алдан өрүс төрдүнэн муус халыҥын кэмнээтилэр.

Түмүллүбүт дааннайдар ыксаллаах быһыыны-майгыны кэтээн көрөр уонна сылыктыыр территориальнай кииҥҥэ ыытыллыахтара. Киин исписэлиистэрэ быйылгы сааскы халаан кэмигэр ыксаллаах быһыы-майгы тахсар кыаҕын быһаарыахтара.