Лабораторияларга 5 мөлүйүөн солкуобайы ыытыахтара

Биэс мөлүйүөн солкуобай кэриҥэ харчыны Саха сирин лабораторияларыгар ыыттылар.

Бу туһунан суһал штаб салайааччытын солбуйааччы Ольга Балабкина брифинигэр иһитиннэрдэ. Алтынньы 31 күнүгэр бырабыыталыстыба федеральнай бүддьүөттэн быраастарга үп ыытар туһунан сөбүлэһиигэ илии баттаата. Эбиитин өссө биир сөбүлэһии чэрчитинэн 36 мөлүйүөн солкуобайга коронавирус эмигэр көрүллүөҕэ. «Бу нэдиэлэҕэ тустаах эмп атыылаһан, босхо эмтээн саҕалыахтаахпыт. Ону таһынан быраастарбыт Россия пульмонологиятын семинарыгар кытыннылар, саҥа уопут ыллылар», — диэтэ Ольга Балабкина.

Билигин коронавируһу быһаарыыны түргэтэтиигэ үлэ ыытыллар.