Үлэ кэмигэр оһолго түбэспит дьоҥҥо массыына күлүүһүн туттардылар

Саха сирин үлэ кэмигэр оһоллонон инбэлииккэ тахсыбыт олохтоохторугар Lada Granta массыына күлүүстэрин туттардылар. Бу туһунан СӨ үлэҕэ министиэристибэтин пресс-сулууспата иһитиннэрэр.

Массыына күлүүһүн ылааччылартан биирдэстэринэн үлэтин кэмигэр сиһин тоноҕоһун өлөрөн кэлээскэнэн сылдьар Сергей Мальцев буолар. Доруобуйатынан төһө да хааччахтааҕын иһин олоххо көхтөөх, икки оҕону иитэр уонна ииһинэн дьарыктанар.

Өссө биир массыына күлүүһүн ылааччынан 2004 сыллаахха автобазаҕа үлэлии сылдьан оһолго түбэспит Виктор Кузьмин буолар. Кини саҥа массыынатынан тута Ленскэйгэ диэри айаннаан 20 чааһынан тиийбитин кэпсээтэ. Бу Виктор Кузьмин Социальнай страховкалааһын пуондатыттан ылбыт иккис массыыната буолара этиллэр.

Саҥа массыыналар күлүүстэрин Саха сирин үлэҕэ оһолломмут алта олохтооҕо ылбыта бэлиэтэнэр. Биир киһи бэйэтэ массыына атыылаһан киниэхэ компенсация төлөммүт.