«Лена» федеральнай айан суолун учаастагар хаар түстэ

Бүгүн, балаҕан ыйын 16 күнүгэр, А-360 «Лена» федеральнай айан суолун 504-с килэмиэтиригэр хаар түстэ. Бу туһунан СӨ Суолга куттал суох буолуутун судаарыстыбаннай инспекциятын Нерюнгри оройуоннааҕы салаатын пресс-сулууспата иһитиннэрэр.

«Суол килэрийэн халтарытыан, инчэҕэй хаар сыстыан сөп», — диэн иһитиннэриигэ этиллэр.

Салгын температуратын хамсааһынынан, айан суолун сорох учаастактарыгар мууһуруу тахсара сабаҕаланар.