Ленскэйгэ оскуола оҕото уокка оҕустаран өлбүт

Ленскэй куоратыгар оскуола оҕото уокка оҕустаран суорума суолланна. Бу туһунан Россия Силиэстийэлиир кэмитиэтин Саха сиринээҕи Силиэстийэлиир управлениета иһитиннэрдэ.

Оҕо өлүгүн төрөппүттэрэ сэтинньи 21 күнүгэр киэһээ ваннаҕа булбуттар.

«Силиэстийэлиир суһал бөлөх үлэһиттэрэ көрүү кэмигэр эт-хаан эчэйиитин бэлиэтээтилэр. Исписэлиистэр уокка оҕустарыы түмүгэр тахсыбыт сиэтии буоларын сабаҕалыыллар», — диэн Россия Силиэстийэлиир кэмитиэтин өрөспүүбүлүкэтээҕи салаата тириэрдэр.

Хоско таһа алдьаммыт, төлөпүөн иитиллэ турбут удлинителын, ону тэҥэ ванна кытыытыгар ууллубут корпустаах суотабай төлөпүөнү булбуттарын туһунан силиэстийэлиир управление бэлиэтиир.

Быһылаан тахсыбыт төрүөтүн быһаарар бэрэбиэркэ ыытыллар.