Ленскэй баһылыга нэһилиэнньэни кытта бэйдиэ сылдьар ыттар боппуруостарын дьүүллэһиэ

Тохсунньу 21 күнүгэр Ленскэй баһылыга Александр Хорунов олохтоох нэһилиэнньэни кытта бэйдиэ сылдьар ыттар боппуруостарынан көрсүһүү ыытыаҕа. Бу туһунан куорат дьаһалтатын пресс-сулууспата иһитиннэрэр.

Инники этиллибитинэн, тохсунньу 20 күнүгэр Ленскэй куорат Ленских событий уонна Чернышевского уулуссаларын быһа охсуһууларыгар, 15 бэйдиэ сылдьар ыт үөрэ аҕыс саастаах оҕоҕо саба түһүүлэрин түбэлтэтэ тахсыбыта. Ыттар оҕо илиитин-атаҕын элбэх сирининэн ытырбыттар, төбөтүн уонна хараҕын тириитин хайа тардыбыттар. Билигин оҕо ыарахан туруктаах сытара уонна Дьокуускайга ыытыы боппуруоһа быһаарыллар бэлиэтэнэр.

Россия Силиэстийэлиир кэмитиэтин Саха сиринээҕи Силиэстийэлиир управлениета «Эбээһинэһи сөпкө толорбокко, сэрэҕэ суох дьайыыттан доруобуйаҕа ыарахан эчэйиини таһаарыы» ыстатыйанан холуобунай дьыала тэрийдэ.