Ленскэйдээҕи оҕо искуустубатын оскуолата быстах кэмҥэ өрөмүөннэммит эбийиэккэ көһүөҕэ

Кулун тутар 30 күнүттэн Ленскэйдээҕи оҕо искуустубатын оскуолата урукку «Дом быта» өрөмүөннэмит дьиэтигэр үлэтин салҕыаҕа. Бу туһунан оройуон дьаһалтатын пресс-сулууспата иһитиннэрэр.

Элбэх ахсааннаах музыкальнай инструмент көһөрүллүөхтээҕэ бэлиэтэнэр.

«Хас биирдии инструмены ирдэнэр температурнай эрэһиимҥэ тутар булгуччулаах, тоҕо диэтэххэ инструменнар сиигирэн эбэтэр сахсайан туһаттан тахсыахтарын сөп», — диэн оскуола дириэктэрин солбуйааччыта Евгения Сивцева эттэ.

Көһөрүү кэнниттэн 40 сыл устата үлэлээбит эргэ мас оскуоланы көтүрүөхтэрэ.

2019 сылга Ленскэй оройуонун дьаһалтата оҕо искуустубатын оскуолата быстах кэмҥэ олохтоноругар диэн 650 квадратнай миэтэрэ иэннээх «Ньургуяна» урукку олох-дьаһах тээбириннэрин дьитин өрөмүөнүгэр 19 мөлүйүөнтэн тахса солкуобайы көрбүтэ. Манна оҕо искуустубатын оскуолата саҥа эбийиэк тутуллуор диэри икки сылтан кырата суох үлэлиэхтээҕэ бэлиэтэнэр.