Ленскэйгэ 300-чэкэ тыһыынча көһөрүллэр үүннэрии мас олордуохтара

РФ бэрэсэдьиэнэ Владимир Путин көҕүлээбит «Экология» национальнай бырайыагын чэрчитинэн, Ленскэй оройуонун Нүүйэ нэһилиэгин аттыгар 280 тыһыынча көһөрүллэр үүннэрии мас олордуохтара. Бу туһунан хампаанньа пресс-сулууспата иһитиннэрэр.

«Таас Үрэх Нефтегазодобыча» хампаанньа 133 га ойуур пуондатын сөргүтүөҕэ.

«Саха сирин ойуурун сөргүтүү — бу биһиги бастакы бырайыакпыт. АГАТУ-ы кытта сөбүлэҥ түһэристибит. Сөргүтэр учаастактарбытын сир реестриттэн таллыбыт. Былааннаммытынан, уопсайа 280 үүннэрии мас олордуллуоҕа», — диэн «Таас үрэх Нефтегазодобыча» хааччахтаммыт эппиэтинэстээх уопсастыба сири туһаныы уонна олохтооһун салаатын салайааччыта Андрей Колесников эттэ.

Кэрдиллибит, эбэтэр умайбыт сылбах мастары ыраастааһын, учаастагы бэлэмнээһин үлэтэ атырдьах ыйыттан саҕаламмыта.

Ленскэй оройуонугар тыаны сөргүтүүнү тэрилтэ «га иһин га» диэн пириинсибинэн ыытыаҕа.