Үлэтэ суох буолууну аҕыйатыы былаана олоххо киирэр

Үлэ көрдөөһүнү, биэриини тэҥниир сыаллаах үлэни өрөспүүбүлүкэ былааһа экономика бары салаатыгар ыытар.

Бу туһунан СӨ бырабыыталыстыбатын бэрэссэдээтэлин бастакы солбуйааччыта Кирилл Бычков социальнай ситимҥэ быһа эпиир кэмигэр иһитиннэрдэ.

«Саха сиригэр үлэтэ суох ахсаанын аҕыйатар үлэ былааннаахтык ыытыллар. Онно Арктика улуустарыгар үлэ, бэйэ дьарыктаах гражданнары тэрийии, сокуону кэһэн үлэлээһини быһаарыы», — диэн кини бэлиэтээтэ.

Кирилл Бычков этэринэн, сокуону кэһэн үлэлээбит дьон ордук эмсэҕэлээтилэр.

«Сокуону кэһэн үлэлээһин — көмүскэлэ суох , пенсионнай өйөбүлэ суох буолуу. Ону өйдөөн, кэлин дьон сокуонунан бэлиэтэнэр буолла. Маннык балаһыанньаны тутан хаалар наада», — диэн өрөспүүбүлүкэ бырабыыталыстыбатын бэрэссэдээтэлин бастакы солбуйааччыта түмүктээтэ.