Маассабай тэрээһиннэри ыытыы хонтуруола күүһүрүөҕэ

Ил Дархан Айсен Николаев коронавирус пандемиятын кэмигэр маассабай тэрээһиннэри ыытыы хонтуруолун күүһүрдэргэ соруйда.

«Дьокуускайга уонна да атын нэһилиэнньэлээх пууннарга социальнай арыты уонна мааскалаах сылдьыы эрэһиимин тутуһуута суох кэнсиэрдэр уонна да атын тэрээһиннэр ыытыллаллар. Ис дьыала уорганнарыгар уонна олохтоох бэйэни салайыныыларга маннык маассабай тэрээһиннэри ыытыыны тохтоторго сорудах биэрдим», — диэн Ил Дархан бүгүн, балаҕан ыйын 28 күнүгэр ыытыллыбыт брифинг кэмигэр эттэ.

Тыйаатырдар, кинотеатрдар уонна спортивнай эбийиэктэр үлэлэрин хааччахтааһынын устуу санитарнай-эпидемиологическай миэрэлэри тутуһан тэрээһиннэри ыытыыны сабаҕалыырын Айсен Николаев тоһоҕолоото.

«Эппиэтинэстээх уорганнар култуурнай, атыы-эргиэн уонна уопсастыбаннай аһы-үөлү тэрийэр эбийиэктэр бары ирдэбиллэри тутуһалларын хонтуруоллун күүһүрдэллэрин туһугар, административнай хамыыһыйалар үлэлэрэ күүһүрүөҕэ», — диэн өрөспүүбүлүкэ баһылыга эттэ.