Мануальнай терапия бырааһа Михаил Постников: «Сүһүөх ыарыыта наһаа тэнийдэ»

«Кэл, олор, сэһэргэһиэх» биэриигэ СӨ Доруобуйа харыстабылын туйгуна Михаил Постников ыалдьыттаата. Кини кэлин эмэ суох эмтиир ньымаларга көһөн, мануальнай терапия бырааһын идэтин баһылаабыт, илиинэн тоноһоҕу, сүһүөҕү, уҥуоҕу эмтиир. Михаил ордук спортсменнары кытта алтыһан үлэлээбит.

«Кэнники сүһүөх, чуолаан тоноҕос ыарыыта наһаа тэнийдэ. Ону ааһан эдэр дьон, оҕолор кытта ыалдьар буоллулар. Тоноҕосторунан, сүһүөхтэринэн моһуогуран сылдьар оҕолор аҕыйаҕа суохтар. Ол киһини дьиксиннэрэр. Бу ыарыы содулуттан, бэл диэтэр, сүрэх-тымыр ыарыылара, ол курдук инсульт, инфаркт эмиэ элбээтэ», — диир Михаил.

Михаил Постников бу ыарыылары хайдах мүлчү көтүөххэ, көмүскэниэххэ сөбүн кэпсээтэ.

Ону таһынан биэриигэ Уус Алдан улууһун Суотту нэһилиэгин «Иэйии» диэн ырыа ансаамбыла, Суотту агро хайысхалаах орто оскуолатын оҕолоро ыалдьыттаатылар.

Сиһилии «Кэл, олор, сэһэргэһиэх» биэриигэ көрүҥ.