Мэҥэ Хаҥалас Майатын олохтоохторун бырайыага Бүтүн Россиятааҕы форумҥа биһирэннэ

Мэҥэ Хаҥалас Майа бөһүөлэгэр аныгы тупсаҕар көстүүлээх оптуобус тохтобулларын оҥорор бырайыага Бүтүн Россиятааҕы гражданскай форумҥа биһирэннэ. Ол курдук Мэҥэ Хаҥалас олохтоохторун көхтөөх көҕүлээһиннэрэ «Уопсастыбаннай кыттыы» диэн анал ааты ылла. Бырайыакка ылсыах иннинэ, Майа икки тыһыынчаттан тахса олохтооҕо анкета толорон, мунньахтаан, сүбэлэһэн, көхтөөхтүк турунна. Өрөспүүбүлүкэттэн көрүллэр үбүлээһиҥҥэ кыттыһан, сорох өттүн уйунна. Ол суотугар Майаҕа киин уулуссаҕа тротуар тэлгэннэ, бөҕү-сыыһы мунньар былаһаакка, Ытарҕалаах үрэҕи уҥуордуур муоста оҥоһулунна.