Мэҥэ Хаҥаласка оскуолалар уонна уһуйааннар дистанционнай үөрэтиигэ көстүлэр

Мэҥэ Хаҥалас улууһун сорох оскуолалара уонна оҕо уһуйааннара дистанционнай үөрэтиигэ көстүлэр.

Бу туһунан бүгүн, алтынньы 7 күнүгэр өрөспүүбүлүкэтээҕи суһал штаб салайааччытын солбуйааччыта, вице-премьер Ольга Балабкина эпидемиологическай балаһыанньа туругун туһунан брифинг кэмигэр иһитиннэрдэ.

«Эдьигээн улууһугар оҕолору күһүҥҥү каникулга ыытыы туһунан быһаарыы ылылынна. Мэҥэ Хаҥалас улууһун сорох нэһилиэнньэлээх пууннарыгар үөрэх тэрилтэлэрэ дистанционнай эрэһиимҥэ көстүлэр», — диэн Ольга Балабкина эттэ.

Мэҥэ Хаҥалас Майа, Хара, Бастакы Наахара сэлиэнньэлэрин уонна Аллараа Бэстээх бөһүөлэгин оскуолалара уонна оҕо уһуйааннара дистанционнай үөрэтиигэ көстүлэр.