Мэҥэ Хаҥаласка өрөспүүбүлүкэтээҕи «Сылгыһыт күрэҕэ» ыытыллыаҕа

Кулун тутар 21-23 күннэригэр Мэҥэ Хаҥалас улууһун Майа сэлиэнньэтигэр «Сылгыһыт күрэҕэ» өрөспүүбүлүкэтээҕи ат сүүрдүү күрэҕэ ыытыллыаҕа. Бу туһунан СӨ тыа хаһаайыстыбатын министиэристибэтин пресс-сулууспата иһитиннэрэр.

Тэрээһин сыллата кулун тутар 21 күнүгэр бэлиэтэнэн сылгыһыт күнүгэр ананар.

Ат сүүрдүүтэ 800, 1200, 1600, 2400, 3200 миэтэрэ уһунаах дистанцияларынан ааһыаҕа.

Сылгыһыттарга аналлаах төгүрүк остуол, тыа хаһаайыстыбатын бородууксуйатын, сылгы тыһыттан оҥоһуллубут мал-сал уонна ат тээбириннэрин дьаарбанката, ону тэҥэ сылгы атыыта ыытыллара былааннанар.