Медицина тэрилтэлэрэ анал бэрээдэгинэн үлэлииллэр

Эпидемияны утары Роспортребнадзор киллэрбит эбии бэрээдэгинэн билигин медицина тэрилтэлэрэ саҥа бэрээдэгинэн үлэлиир.

Ол курдук, балыыһаҕа сытар дьону көрсөр көҥүллэммэт. Поликлиникаларга уонна балыыһаларга маассабай көрдөрүнүү кулун тутартан тохтоон турар. Ол эрээри, ыарахан ыарыһахтары, искэн ыарыылаахтары, гемодиализниктары көрөллөр.

Профикактикалыыр чинчийии, былааннаммыт көрдөрүнүү (диспансеризация) эмиэ буолбат. Медицина тэрилтэлэрэ амбулаторнай, суһал бэрээдэгинэн үлэлииллэр. Биллэн турар, үлэһит барыта мааскалаах, бэрчээккэлээх, анал көстүүмтээх үлэлиир. Ону таһынан күн аайы кыраадыһын мээрэйдэнэр, анаалыс туттарар.