Михаил Николаев бирииһигэр саахымакка олимпиада ыытыллыаҕа

Хаҥалас оройуонун Чапаево сэлиэнньэтигэр баар Наука аччыгый академиятыгар өрөспүүбүлүкэ уонна дойду бэлитиичэскэй диэйэтэлэ Михаил Николаев бирииһигэр XIV саахымат олимпиадата ыытыллыаҕа диэн СӨ үөрэххэ уонна наукаҕа министиэристибэтэ иһитиннэрэр.

Ааспыт алта сылга бу олимпиадаҕа өрөспүүбүлүкэ араас муннугуттан 500-ттэн тахса оҕо кыттыбыта диэн Наука аччыгый академиятын ректорын солбуйааччы Вадим Яковлев кэпсиир.

«Күрэхтэһиигэ Алдан, Амма, Үөһээ Бүлүү, Уус Алдан, Хаҥалас оройуоннарын уонна Дьокуускай спортсменнара куруук көхтөөхтүк кытталлар. Сылтан сыл кыттааччы ахсаана элбээн, таһымнара үрдээн иһэр», — диэн Вадим Яковлев бэлиэтиир.

Күрэхтэһиигэ 10, 12, 14, 16 саастаахтар 12 хамаанданан киирсиэхтэрэ. Кыргыттар уонна уолаттар Швейцария систиэмэтинэн илин-кэлин түсүһүөхтэрэ. Оонньуу ФИДЕ быраабылатынан ыытыллыаҕа. Олимпиада өрөбүлгэ, ахсынньы 8 күнүгэр, түмүктэниэҕэ.