Мииринэйгэ биллибэт дьон трансформаторы алдьатта

Мииринэй оройуонугар энергетиктар алдьаммыт трансформаторы чөлүгэр түһэрии үлэтин ыыталлар. Бу туһунан «Якутскэнерго» пресс-сулууспата иһитиннэрэр.

Аварийнай арарыы бэҕэһээ, тохсунньу 3 күнүгэр, олохтоох бириэмэнэн 19.34 чааска тахсыбыт. Биллибэт дьон Мииринэй куорат трансформаторын тымнытар радиаторын алдьаппыттар. Исписэлиистэр радиатор тас өттүгэр буулдьа суолун буллулар.

Энергетиктар быраабы кэһии тахсыытын туһунан иһитиннэриини полиция уорганнарыгар тириэртилэр. Билиҥҥи туругунан бэрэбиэркэ ыытыллара этиллэр.

Миэстэтигэр өрөмүөннүүр биригээдэ үлэлиирэ, ону тэҥэ биир даҕаны туһанааччы уота арыхсыбатаҕа бэлиэтэнэр.