Мииринэйгэ «Интернациональнай» рудникка анал тиэхиньикэ умайда

Мииринэй оройуонугар баар «Интернациональнай» рудникка тиэйэр-сүөкүүр массыына умайыыта таҕыста. Бу туһунан ЫБММ өрөспүүбүлүкэтээҕи салаатын пресс-сулууспата иһитиннэрэр.

«Быһылаан тахсыбыт сиригэр 15 киһи уонна икки тиэхиньикэ үлэлиир, ону тэҥэ Миирнэйдээҕи быыһыыр баһаарынай сулууспа суһал бөлөҕө тиийдэ », —  диэн биэдэмистибэ тириэрдэр.

Рудникка 98 киһи баара бэлиэтэнэр. Исписэлиистэр дьону таска таһаараллар. Салгыҥҥа гаас буккааһын кээмэйэ нуорманы куоһарбата этиллэр.