Миирнэй оройуонун Айхал бөһүөлэгэр маҥнайгы хаар түстэ

Балаҕан ыйын 27 күнүгэр Миирнэй оройуонун Айхал бөһүөлэгэр маҥнайгы хаар түстэ.

Бөһүөлэк дьаһалтатын пресс-сулууспата иһитиннэрэринэн, быйыл маҥнайгы хаар хойутаабыт, урут балаҕан ыйын саҥатыгар түһэр эбит.

Дьокуускайдааҕы күнү-дьылы кэтээн көрөр станция иһитиннэрэринэн, бэҕэһээ, балаҕан ыйын 27 күнүгэр, хаар Уус Алдан, Эбээн Бытантай улуустарыгар уонна Кэбээйи хайаларыгар түстэ.