Миирнэй ыала судаарыстыбаннай бырагырааманан дьиэ туттарыгар 1,4 мөл.солк. ылла

Тыа сирин сайыннарыыга өрөспүүбүлүкэтээҕи судаарыстыбаннай бырагыраама чэрчитинэн, олорор дьиэ туттууга Миирнэй оройуоннун Сүлдьүкээр сэлиэнньэтин ыала Анжелика уонна Николай Алексеевтар 1,4 мөлүйүөн солкуобайы ыллылар. Бу туһунан СӨ бырабыыталыстыбатын уонна баһылыгын дьаһалтатын пресс-сулууспата иһитиннэрэр.

Икки оҕолоох дьиэ кэргэн «2012-2020 сылларга тыа хаһаайыстыбатын сайыннарыы уонна тыа хаһаайыстыбатын бородууксуйатын салайыы» өрөспүүбүлүкэтээҕи бырагыраама иһинэн олорор дьиэ усулуобуйатын тупсарыы испииһэгэр киирдэ.

Алексеевтар дьиэ кэргэн 1,4 мөлүйүөн солкуобай кээмэйдээх социальнай төлөбүрү ыллылар, ол иһигэр 1,3 мөлүйүөн — федеральнай бүддьүөттэн.

Бүгүҥҥү туругунан дьиэ тутуута түмүктэннэ: түннүк, аан турда, ититии, уу тардылынна. Алексеевтар этэллэринэн, дьиэ тутталларыгар бырагыраама суолталаах, улахан көмө буолла.