Миирнэйгэ 400-тэн тахса киһи коронавирустан быһыыны ылла

COVID-19 утары быһыыны 400-тэн тахса Миирнэй олохтооҕо ылла. Бу туһунан оройуон дьаһалтатын пресс-сулууспата иһитиннэрэр.

«Тохсунньу 14 күнүгэр 1000 киһиэхэ вакцинация оҥорорго «Спутник V» бастакы баартыйата кэлбитэ. Миирнэйгэ алта быһыыны оҥорор кэбиниэт тэрилиннэ, иккилии кэбиниэт Айхалга уонна Удачнайга. Вакцина сорох чааһа оройуон хотугу былаһааккатыгар уонна Чернышевскай бөһүөлэккэ ыытылынна», диэн иһитиннэриигэ этиллэр.

Тохсунньу 20 күнүнээҕи туругунан, оройуоҥҥа 439 киһи быһыыны ылла, ол иһигэр 95 быраас, 131 үөрэх эйгэтин үлэһиттэрэ.

Билиҥҥи туругунан, быһыыны учууталлар, медицинэ үлэһиттэрэ, Кырдьаҕастар уонна инбэлииттэр дьиэлэрин, социальнай харалта уонна быраабы харыстыыр эйгэ үлэһиттэрэ.

Оройуон олохтоохторо быһыыны ыларга Миирнэйдээҕи киин балыыһа колл-киинин нөҥүө суруйтарыахтарын сөбүн туһунан бэлиэтэнэр.

Тохсунньу 21 күнүгэр процедураҕа Миирнэйгэ 356 киһи суруйтарда, Айхалга уонна Удачнайга — 250.