Миирнэйгэ 580 гааттан тахса иэннээх тыаҕа мас олордо

Тыаны сөргүтүү үлэлэрин чэрчитинэн, АЛРОСА хампаанньа Миирнэй оройуонугар 585 га сиргэ мас олорто. Бу туһунан тэрилтэ пресс-сулууспата иһитиннэрэр.

Үлэ искусственнай уонна комбинированнай сөргүтүү ньыматынан 2020 сыл муус устар ыйыттан алтынньы ыйыгар диэри ыытыллар. Миирнэй ойуурун хаһаайыстыбата тыаны сөргүтүү үлэтин алтынньы ыйга тутуоҕа.

2019 сылтан тыанан туһанар дьон, мас кэрдиллибит сиригэр сөргүтүү үлэтин ыыталлара ирдэнэр.

Алмаас хостуур тэрилтэ тыаҕа геологическай үөрэтии ыытар, ону тэҥэ, эбийиэктэри тутууга, өрөмүөннээһиҥҥэ туһанар.

Мас уһуннук үүнэринэн, тыаны сөргүтүү үлэтин түмүгүн туһунан 15-20 сылынан биирдэ кэпсиэххэ сөп.