«Мин үрдүбэр күн хаһан да киирбэт» киинэ Азиатскай-Тихоокеанскай киинэ бириэмийэтигэр номинант буолла

«Мин үрдүбэр күн хаһан да киирбэт» киинэ ЮНЕСКО патронатынан ыытыллар Азиатскай-Тихоокеанскай киинэ бириэмийэтигэр номинант буолла. Киинэ бириэмийэтигэр 22 дойдуттан 37 киинэ номинант буолар чиэстэннилэр.

«Мин үрдүбэр күн хаһан да киирбэт» киинэбит APSA бириэмийэтигэр номинант буолла, бачча үлүгэр элбэх кыттааччылартан биэс бастыҥ иһигэр киирдэ!», — диэн Instagram ситимҥэ киинэ режиссера Любовь Борисова иһитиннэрдэ.

Россияттан өссө икки киинэ — Кантемир Балагин «Дылда» уонна Виктор Косаковскай «Акварель» диэн киинэлэрэ бу бириэмийэҕэ номинант буоллулар.

Санатар буоллахха, «Мин үрдүбэр күн хаһан да киирбэт» киинэ Казахстан уонна Кыргызстан киинэ тыйаатырдарыгар тахсыбыта.