«Министр» дьыалабыай оонньуу финалыгар 112 кытааччы ааста

НВК САХА — «Министр» өрөспүүбүлүкэтээҕи дьыалабыай оонньуу финалыгар 112 киһи ааста. Бу туһунан Ил Дархан уонна бырабыыталыстыба пресс-сулууспата иһитиннэрэр.

«Полуфинал түмүгүнэн А бөлөххө (16-22 саастаах дьон) уопсайа 100 баалтан 68-тан элбэх баалы ылбыт 42 кытааччы финалга таҕыста, В бөлөххө (23-35 саастаах дьон) уопсайа 100 баалтан 75-тэн элбэх баалы ылбыт 45 кытааччы финалга таҕыста, С бөлөххө (45-гэр диэри саастаах салайар уопуттаах дьон) уопсайа 100 баалтан 76-тан элбэх баалы ылбыт 25 кытааччы финалга таҕыста», — диэн тэрийээччилэр тириэрдэллэр.

Кытааччылар балаҕан ыйын 23 күнүгэр диэри «Норуодунай правотворец» бырайыак чэрчитинэн көҕүлээһин оҥорон бэлэмниэхтээхтэр. «Министр» дьыалабыай оонньуу финала Дьокуускайга балаҕан ыйын бүтүүтэ ыытыллыа.