«Мир» рудник урукку начаалынньыга өлбүтүнэн Силиэстийэлиир кэмитиэт бэрэбиэркэ ыытар

Силиэстийэлиир изоляторга «Мир» сир аннынааҕы рудник урукку начаалынньыга Алексей Бурксер өлбүтүнэн бэрэбиэркэ ыытыллар. Бу туһунан силиэстийэлиир кэмитиэт пресс-сулууспата иһитиннэрдэ.

«Бүгүн, алтынньы 8 күнүгэр, силиэстийэлиир изоляторга «Мир» рудник урукку начаалынньыга Алексей Бурксер бэйэтигэр тиийиммит сибикилээх өлүгүн булбуттарын туһунан иһитиннэрии киирбитэ», — диэн эттилэр.

Саха сиринээҕи силиэстийэлиир кэмитиэт процессуальнай бэрэбиэркэ ыытар. Биэдэмистибэ үлэһиттэрэ номнуо быһылаан тахсыбыт сирин көрбүттэр, суут-медицина экспертизата анаммыт.

Бу иннинэ «Мир» рудник урукку начаалынньыга силиэстийэлиир изоляторга бэйэтигэр тиийинэн өлбүтүн туһунан иһитиннэриллибитэ.