«Мир» рудник урукку тойоно силиэстийэлиир изоляторга бэйэтигэр тиийинэн өлбүт

«Мир» рудник урукку начаалынньыга Алексей Бурксер Дьокуускай силиэстийэлиир изоляторыгар бэйэтигэр тиийинэн өлбүт. Кинини бэҕэһээ онно хаайбыттара. Бу туһунан быраабы көмүскүүр уорганнарга баар источник иһитиннэрдэ.

«Өлүгү сарсыарда алта чаас саҕана булбуттар», — диэн иһитиннэрдэ, сиһилии тугу да эппэтэ.

Бу туһунан официальнай бигэргэтэр иһитиннэрии билигин суох.

Алтынньы 7 күнүгэр «Мир» сир аннынааҕы рудник урукку начаалынньыгын Алексей Бурксеры уонна тэрилтэ сүрүн инженерин эбээһинэһин толорооччунан урут үлэлээбит Александр Манны туппуттара. Кинилэр «Хайа үлэтигэр куттал суох буолуу быраабылатын кэһэн, аҕыс киһи өлбүтүнэн уонна улахан хоромньу оҥоһуллубутунан» буруйдаммыттара.

2017 сыл атырдьах ыйын саҥатыгар АЛРОСА алмааһы хостуур хампаанньа бас билэр «Мир» руднигар уу тоҕо баран, шахта ууга барбыта. Онно аҕыс үлэһит өлбүтэ. «Мир» рудник АЛРОСА хостуур 8% -нын хааччыйара, 42 мөлүйүөн карат саппаас ууга барбыт диэн сыаналанар.

Источник: сайт телеканала «Якутия 24».