«Модун» спортивнай комплексын сэбилэммит киһиттэн сылтаан эвакуациялаатылар

Дьокуускайга Манчаары Баһылай аатынан «Модун» спортивнай комплекска баар дьону, сэбилэммит киһиттэн сылтаан эвакуациялаатылар. Бу туһуна биһиги кэриспэндиэммит оннуттан иһитиннэрэр.

«Саха» НКИХ тэлэбиидьэнньэтин бөлөҕөр устууну ыытыыны боптулар. Спортивнай комплекс дьиэтин тулалаатылар.

«Оҕолору эвакуациялаатылар. Полиция үлэһиттэрэ эбийиэги тулалаатылар. Сэбилэммит эр киһи дьарыктанар саалаҕа баар. Бэйэбэр тиийиниэм диэн куттуур», — диэн биһиги кэриспэндиэммит иһитиннэрэр.

Россия ис дьыала министиэристибэтин Саха сиринээҕи салаатын пресс-сулууспата быһаарыы кэлин бэриллиэ диэн иһитиннэрэр.