Алтынньы 23 күнүгэр Мохсоҕоллоох бөһүөлэгин тулаайах уонна төрөппүт көрүүтэ суох хаалбыт оҕо дьиэтин иитиллээччитэ балыыһаҕа киирэн өлбүт. Бу туһунан Россия Силиэстийэлиир кэмитиэтин Саха сиринээҕи Силиэстийэлиир управлениетын пресс-сулууспата иһитиннэрдэ.
«13 саастаах уол оҕо улуус киин балыыһатын хирургия салаатыгар тобуга ыалдьан тиксэриллибит. Олохтоох бириэмэнэн 13.00 чааска тыына быстыбыта бэлиэтэммит», — диэн этиллэр.
Силиэдэбэтэллэр судебнай-медицинскэй экспертиза анаабыттар. Процессуальнай бэрэбиэркэ ыытыллар.
