Москваҕа Роман Дмитриев кэриэһигэр мас тардыһыы турнира ыытыллыаҕа

Кулун тутар 19-21 күннэригэр Москваҕа ССРС спордун үтүөлээх маастара, ССРС үтүөлээх тренерэ, сахалартан бастакы олимпийскай чемпион Роман Дмитриев кэриэһигэр эр дьоҥҥо уонна дьахталларга мас тардыһыыга бүтүн Россиятааҕы турнир ыытыллыаҕа. Бу туһунан «Модун» Манчаары Баһылай аатынан өрөспүүбүлүкэтээҕи төрүт көрүҥнэр кииннэрин пресс-сулууспата иһитиннэрэр.

Турнир Иван Ярыгин аатынан тустуу дыбарыаһыгар ааһыаҕа. Күрэхтэһии эр дьоҥҥо алта уонна дьахталларга биэс ыйааһын категориятынан ыытыллыаҕа.

Россия бастыҥ мас-реслердара кыттыынын ылаллара күүтүллэр.