Муниципальнай көҕүлээһиннэр куонкурустарын кыайыылаахтарыгар 960 мөлүйүөн солкуобай көрүллүөҕэ

Россия бэрэсидьиэнэ Владимир Путин 2020 сылга үп-харчы министиэристибэтигэр 960 мөлүйүөн солкуобайы көрөрүн туһунан дьаһалга илии баттаата. Бу үп бүтүн россиятааҕы «Үлэҕэ бастыҥ муниципальнай көҕүлээһин» куонкурус бириэмийэлээһинигэр туһаайыллыаҕа. Бу туһунан ТАСС иһитиннэрэр.

«2020 сылга Россия бэдэрээссийэтин төрүт пуонадатыттан үп-харчы министиэристибэтигэр 2020 сылга «Үлэҕэ бастыҥ муниципальнай көҕүлээһин» бүтүн россиятааҕы куонкурус бириэмийэтин үбүлээһинин улаатыннарарга 960 мөлүйүөн солкуобай тыырыллар», — диэн докумуоҥҥа этиллэр.

Инники судаарыстыба баһылыга: «бэдэрээлинэй бүддьүөт бырайыагын олохтуурга сыллааҕы уонна биир миллиард солкуобайтан аҕыйаҕа суох «Үлэҕэ бастыҥ муниципальнай көҕүлээһин» куонкурус бирииһин пуондатыгар үбүлээһин сыллата көрүллэригэр», — туһунан бырабыыталыстыбаттан ирдиир дьаһал испииһэгин бигэргэппитэ.

«Үлэҕэ бастыҥ муниципальнай көҕүлээһин» куонкурус сыл ахсын ыытыллар уонна бастыҥ муниципальнай үлэ холобурдарын наҕараадалыырга, тарҕатарга туһаайыллар.