Муома улууһугар сааскы харааллааһын ыытылынна

Кулун тутар 11-25 күннэригэр Муома улууһугар табалар сааскы харааллааһыннара ыытылынна. Бу туһунан СӨ бэтэринээринэй департаменын пресс-сулууспата иһитиннэрэр.

Харааллааһын түмүгэр алта ыстаадаҕа бруцеллез утары үлэлэр ыытылыннылар. Уопсайа 3 437 хотугу таба хаанын боруобата бруцеллезка чинчийиллибитэ этиллэр. Тэрээһиҥҥэ 11 бэтэринээр кыттыыны ылбыт.

«Магир» община, С.Г. Слепцов аатынан община, «Саркичан» уонна «Победа» кооперативтар табаларын ыстаадаларыгар Роз-Бенгал боруобанан чинчийиилэр ыытыллыбыттара бэлиэтэнэр.

«»Победа» тыа хаһаайыстыбатын кооперативын «Кынырайдаах» ыстаадатыгар биир боруоба бигэргэммит», — диэн этиллэр.

2021 сыл иккис кыбаарталыгар «Магир», «Саркичан» уонна С.Г. Слепцов аатынан общиналар хотугу дьиэ табаларын бруцеллезтан чэбдигирдии былааннанар.