Муус устар 1 күнүттэн Дьокуускайга маҥнайгы кылааска киириигэ сурутуу саҕаланыаҕа

Муус устар 1 күнүттэн киин куорат оскуолаларыгар 1 кылааска киириигэ сайабылыанньаны ылан саҕалыахтара. Бу туһунан Дьокуускай куорат үөрэҕин управлениетын пресс-сулууспата иһитиннэрэр.

Муус устар 1 күнүттэн сайабылыанньалары киирэр оскуолаҕа бигэргэтиллибит аадырыстаах уонна суруттарар оҕолор бииргэ төрөөбүт эдьиийдэрэ уонна убайдара бу оскуолаларга үөрэнэр буоллахтарына биэриэхтэрин сөп. Сайабылыанньалары ылыы 2021 сыл бэс ыйын 30 күнүгэр түмүктэнэр.

От ыйын 6-тан балаҕан ыйын 5 күнүттэн хойутааһына суох оскуолаҕа бигэргэммэтэх аадырыстаах ыаллар сайабылыанньа биэриэхтэрэ.

Саха сиринээҕи үөрэх өҥөтүн кыһаларын edu.e-yakutia.ru порталын нөҥүө төрөппүттэр (сокуоннай бэрэстэбиитэллэр) суруттарыахтара.

Сайабылыанньаны ылыы бэрээдэгин туһунан ыйыыны Дьокуускай куорат үөрэҕин управлениетын сайтыттан (yaguo.ru), edu.e-yakutia.ru порталатан, маны таһынан, mfcsakha.ru сайтан хачайдыахха сөп.

Боппуруостары 34-35-17 төлөпүөҥҥэ эрийэн билсиҥ.