«Муус фантазия» норуоттар икки ардыларынааҕы күрэхтэһиигэ саха устудьуоннара бастакы миэстэни ыллылар

Хабаровскайга буолбут «Муус фантазия» норуоттар икки ардыларынааҕы күрэхтэһиигэ Саха художественнай училищетын устудьуоннара «Күөх далай охчута» диэн композицияларынан бастакы миэстэни ыллылар. Бу туһунан колледж пресс-сулууспата иһитиннэрэр.

«Муус фантазия» бэстибээл оҥоһуктарын көрө Хабаровскай олохтоохторо кэлбиттэрэ. Бастакы миэстэни Саха художественнай училищетын устудьуоннара Игорь Понамарев уонна Николай Алексеев ыллылар», — диэн этиллибит иһитиннэриигэ.

Эдэр скульптордар үлэлэрин бэлиэтиир албан аакка үһүс миэстэни Павел Смолин уонна Богдан Королев «Күн тахсыыта» үлэлэринэн иккис миэстэни «Силлиэ» диэн композициятынан Алексей Гринев уонна бастакы миэстэни «Күөх далай охчута» диэн ааттаах үлэлэринэн Игорь Пономарев уонна Николай Алексеев 30 тыһыынча солкуобай харчынан наҕараадаланнылар.

Күрэхтэһиигэ Россия, Франция дойдуларыттан худуоһунньуктар, Санкт-Петербуртан, Приморьеттан, Саха сириттэн, Еврейскэй автомновнай уобаластан скульптордар кэлэн кыттыыны ыллылар.

«Бу бэстибээлгэ бары маастардар атын үлэлэри көрөн астыннылар, бэйэлэрин билиилэрин, сатабылларын атастастылар. Куорат олохтоохторугар уонна ыалдыттарыгар умнуллубат түгэни, үөрүүнү бэлэхтээтилэр», — диэн Уһук Илин ледовай корпорациятын бэрэсидьиэнэ Сергей Логинов бэлиэтээн эттэ.