MYTONA хампаанньа ХИФУ колледжын компүүтэрдэринэн хааччыйда

MYTONA хампаанньа Хотугулуу-Илиҥҥи федеральнай үнүбэрсиэт инфраструктурнай технологияларын колледжыгар программирование кылааһын көмпүүтэрдэринэн хааччыйда. Бу туһунан үрдүк үөрэх кыһатын пресс-сулууспата иһитиннэрэр.

«Бу кэбиниэккэ анал куурустар ыытыллаллар. Сотору кэминэн дьарык ыытыллар болдьоҕун таһаарыахпыт. Пандемиянан олохтоммут уустук балаһыанньа түмүктэниэ уонна үгэс буолбут эрэһииминэн үлэбитин салгыахпыт диэн эрэнэбит. Билигин дистанционнай үөрэхтээһин тэтимнээхтик сайдар. Куурустары инникит онлайн ыытыы кыаҕын көрөбүт», – диэн информационнай систиэмэлэри туһаныы уонна көрүү-истии кафедратын сэбиэдиссэйэ Галина Протодьяконова кэпсээтэ.

Кафедра сэбиэдиссэйэ колледжка 20-тэн тахса IT-хайысха арыллара былааннанарын бэлиэтээтэ.

MYTONA хампаанньа үлэһиттэрэ устудьуоннар WorldSkills Russia идэ таһымын күрэҕэр бэлэмнэнэллэригэр сүбэ-ама биэрэн көмөлөһөллөрө этиллэр.