Намҥа Красноярскайтан 100 ынаҕы аҕаллылар

Нам Бөтүҥүн фермеригэр Красноярскай «Гляден» диэн бааһынай хаһаайыстыбатыттан 100 төбө сүөһүнү аҕалбыттар. Бу туһунан оройуон дьаһалтатын пресс-сулууспата иһитиннэрэр.

Боруоданы голштинскайы кытта симменталь сүөһүтүн холбоон таһаарбыттар. «Сүөһүлэри анал тырааныспарынан аҕаллылар. Аҕыс күн устата түөрт тыһыынча килэмиэтири айаннаатылар», – диэбит тыа хаһаайыстыбатын управлениетын салайааччыта Владимир Макаров.

Ынахтары Александр Слепцов хаһаайыстыбатыгар этэҥҥэ тиэрдибиттэр. Билигин кини хотон тутта сылдьар эбит. Санатан эттэххэ, 2019 сыллаахха фермер тыа хаһаайыстыбатын министиэристибэтин гранын кыайбыт.