Нам киин балыыһатыгар COVID-19 утары охсуһарга медицинскэй оборудование бэлэхтээтилэр

Араас сылларга Иркутскайга үөрэммит выпускниктар ассоциациялара Нам киин балыыһатыгар коронавирус инфекциятын утары охсуһарга анал оборудование бэлэхтээтэ. Бу туһунан улуус дьаһалтатын пресс-сулууспата иһитиннэрэр.

1985, 1990, 1995 сыллаах выпускниктар 100 тыһыынча солкуобай суумаҕа салгын аппаратын, пульсоксиметр уонна бактерициднай лаампалары ылан балыыһаҕа бэлэхтээтилэр.

«Биһиги дьүөгэбитигэр, балыыһа сүрүннүүр бырааһын медицинскэй чааһыгар солбуйааччыта Февронья Стручковаҕа уонна Нам улууһун олохтоохторугар медицинскэй көмөнү оҥорорго ананар аппараттары бэлэхтээтибит. Уопсай сыранан 100 тыһыынча солкуобайы хомуйдубут. Оборудованиены Москваттан ылан балыыһа сүрүннүүр бырааһыгар Ариан Сергеевка туттардыбыт», – диэн ассоциация бэрэстэбиитэлэ кэпсээтэ.