Нэдиэлэ иһигэр Саха сиригэр үгүс киһини клещ ытырбыта билиннэ

Бу күннэргэ 6 улууска 20 киһини клещ ытырбыт. Бу туһунан Саха сиринээҕи Роспотребнадзор киинэ «Якутия 24» ханаалга иһитиннэрэр.

Алдан улууһугар — 9, Ленскэй оруойуонугар — 6, Нерюнгрига — 3, Үөһээ Бүлүүгэ уонна Ньурбаҕа — 1 түбэлтэ бэлиэтэннэ.

Бу сайын уопсайа — 122 киһини клещ ытырбыт.

Эмсэҕэлээччилэр доруобуйаларын бөҕөргөтөллөр, вируһу утары эмтэри биэрэллэр.

Клещ вируһунан — энцефалитынан, боррелиозынан уонна да атын ыарыынан ыалдьыы түбэлтэтэ, билиҥҥи кэмҥэ суох.