Нерюнгри — Аллараа Бэстээх тимир суол сырыытынан куруус эргиирэ 91 % үрдээтэ

Нерюнгри — Аллараа Бэстээх тимир суол сырыытынан куруус эргиирэ сэттэ ый үлэлээн, былырыыҥҥы көрдөрүүтүн 91 % куоһаран, 747 мөл. ткм тэҥнэстэ. Бу туһунан Саха сирин тимир суолларын пресс-сулууспата иһитиннэрэр.

«2020 сыл тохсунньуттан от ыйыгар дылыАллараа Бэстээххэ 692,6 тыһыынча туонна куруус ыытылынна. Бу былырыыҥҥы көрдөрүүттэн 43 %-нан үрдүк», — диэн иһитиннэриигэ этиллэр.

Бу Аллараа Бэстээх ыстаансыйатыгар тиэйиллэр куруустар кэриҥнэриттэн уонна айан уһунун ортотунан кээмэйэ үрдээбититтэн тутулуктааҕа этиллэр.

«Саха сирин тимир суоллара» хампаанньа суолларынан уопсайа 3,4 мөлүйүөн туонна куруус тиэлиннэ. Куруус барытын көрдөрүүтэ үрдээтэ: ньиэп бородууктата 11 %-нан, тутуу матырыйаала 84 %-нан, атыы-эргиэн курууһа 31 %-нан, уо.д.а. куруустар 19 %-нан, контейнердаах уонна тимир куруустар 39 %-нан.

Билигин Аллараа Бэстээх ыстаансыйатыгар курууһу таһыы Россия тимир суолларын биир тарыыбынан, тохтообокко, утары миэстэтигэр айаннаан кэлэр буолан тиэйии төлөбүрэ биллэ аччаата.