Нерюнгри эдэр олохтооҕо Miss Europe Internet 2020 куонкуруска кыттар

Нерюнгри оройуонуттан сылдьар 9 саастаах Кира Добвенко Miss Europe Internet 2020 национальнай куонкурус Europe Mini Miss анал ааты ылар иһин кыттар.

Балаҕан ыйын 20 күнүгэр диэри ыытыллар онлайн-куоластааһын түмүгүнэн кыайыылаах быһаарыллыаҕа. Mini Miss хоруонатын ылар иһин 15 Россия, Молдова уонна Казахстан  эдэр олохтооҕо кыттар.

Билиҥҥи туругунан, Саха сирин олохтооҕо Кира Добвенко 1 160 куоластаах үһүстээн иһэр. Кыайыылаахтар лиэнтэнэн, дипломунан уонна харчынан сертификаттарынан наҕараадаланыахтара. Тэрийээччилэр этэллэринэн, Miss Europe Internet 2020 — Аан дойдутааҕы сүрүн интернет-куонкурус буолар.