Нерюнгри оройуонунааҕы эргиэн эрээттэрин баһаарын иэнэ 300 кв.м. тэҥнэстэ

Бүгүн, Нерюнгри оройуонун Кравченко уулуссатыгар баар эргиэн эрээттэригэр баһаар буолла. Бу туһунан РФ Ыксаллаах быһыыга-майгыга министиэристибэтин Саха сиринээҕи салаатын пресс-сулууспата иһитиннэрэр.

«Бастакы баһаарынай-быыһыыр подразделение кэлэригэр тутууттан хара буруо тахсара. Үс киһи эвакуацияланна. 320 квадратнай миэтэрэ иэннээх кырыыһа эмсэҕэлээтэ», — диэн иһитиннэриигэ этиллэр.

Баһаары умуруорууга 32 киһи кытынна уонна тоҕус тиэхиньикэ туһанылынна.

Тыына быстыбыт уонна эмсэҕэлээбит киһи бэлиэтэммэтэ. Баһаар биричиинэтэ, буруйдаахтар уонна хоромньу быһаарыллар.