Нерюнгрига эр киһи бэһис этээстэн сууллан өлбүт

Алтынньы 9 күнүгэр Нерюнгри куоракка Кравченко уулуссатыгар турар биэс этээстээх дьиэттэн сууллубут эр киһи балыыһаҕа киирэн өлбүт.

Суһал көмө биригээдэтэ ыҥырыыга биэс мүнүүтэ буолан баран тиийбит. 22 саастаах эр киһиэхэ тута миэстэтигэр суһал медицинскэй көмө оҥоһуллубут. Ол кэннэ Нерюнгри куорат оройуоннааҕы киин балыыһатыгар реанимацияҕа киллэрбиттэр.

«Эмсэҕэлээбит киһи туругун быһаарар үлэ ыытылынна. Быраастар араас хабааннаах эпэрээссийэ оҥордулар, ол да буоллар, эр киһи ылбыт эчэйиилэриттэн өлбүт», — диэн СӨ Доруобуйа харыстабылын министиэристибэтин пресс-сулууспата иһитиннэрэр.

Эр киһи балыыһаҕа тиийэн 2 чаас 10 мүнүүтэ буолан баран өйүгэр кэлбэккэ өлбүт. Тахсыбыт быһылаан түмүгүнэн силисэтийэ ыытыллар.