Нерюнгрига таас чоҕу переработкалыыр сыах умайыытын тохтоттулар. Бу туһунан РФ ыксаллаах быһыыга-майгыга министиэристибэтин Саха сиринээҕи салаатын пресс-сулууспата иһитиннэрэр.
«Олохтоох бириэмэнэн 16:00 чааска, 700 квадратнай миэтэрэ иэннээх сиргэ бара турар аһаҕас умайыы умуруорулунна», — диэн иһитиннэриигэ этиллэр.
Тыына быстыбыт уонна эмсэҕэлээбит суох. ЫБМ дознавателлэрэ баһаар биричиинэтин, балаһыанньатын быһаараллар.
Умайыы сыах ленточнай конвейерыттан саҕаланна. Умуруорууга хойуу буруо ыарахаттары үөскэттэ.
