Нерюнгригэ уу ханаалын эбийиэктэрин тутарга 400 мөлүйүөн солкуобай көрүллүө

НВК САХА – Нерюнгригэ уу ханаалын эбийиэктэрин саҥардарга 400 мөлүйүөн солкуобайы көрүөхтэрэ. Итинтэн 396 мөлүйүөнэ – федеральнай бүддьүөттэн.

СӨ Дьиэ-уот, хомунаалынай хаһаайыстыба уонна энергетика министиэристибэтэ иһитиннэрэринэн, тустаах үлэ 2020 сылга түмүктэниэ.

Көрүллүбүт үп носуос ыстаансыйатын саҥардарга уонна ыраас уу резервуарын тутарга барыа. Ол түмүгэр эньиэргийэ харыстаныа, тиһик эрэллээхтик үлэлиирэ хааччыллыа.

Быйыл үлэ бастакы түһүмэҕэр 200 мөлүйүөн солкуобай көрүллүө. Үп «Уһук Илин уонна Байкал эрэгийиэнин социальнай-экэнэмиичэскэй сайдыыта» судаарыстыбаннай бырагырааманан хааччыллар.